Da Garten macht zu jeder Zeit

A bisserl Arbeit und vui Freid

Im Garten gibt’s immer was zum doa

Egal ob er groß is oder kloa

 

Für an Garten braucht ma Zeit

Er bringt oam aber auch vui Freid

Im Garten gibt’s immer was zum doa

Egal ob er groß is oder kloa

 

Ma werkelt gern in frischer Luft

Freid si an Blütenpracht und Duft

Füllt mit Blumen Krüge und Vasen

Und maht regelmäßig sein Rasen

 

A jeder is a kloans Königreich

Und koaner is dem andern gleich

In oam is alles grad ausgerichtet

Jed’s Unkraut wird glei vernichtet

 

A andra mog’s lieber ländlich – bieder

Lässt si zwischn Gartenzwergen nieder

Da dritte sieht mehr den Nutzen

Pflanzt Obst und Gmias o zum verputzen

In oam san si alle Gartler gleich

Si glaum ihr eignes kloanes Reich

Is des schenste weit und breit

Und des zua jeder Jahreszeit

     ----------------

 

Konn’s den in unserem Leb’n

wirklich no was scheners gebn

Ois wia a eign’s Stückerl Natur

Des is Gartenfreude pur

 

Werklt gern in frischer Luft

Atmet süßen Blumenduft

Oder faulenz rum im Garten

Derts geduldig darauf warten

    --------------------

 

Ihr liaben Leit seits guat beraten

Denn ihr habts an eignen Garten

Werklts vui in frischer Luft

Schnupperts guaten Blumenduft

Sitzt eich naus, genießt de Ruah

Schaugts de Pflanzerl beim Wachsen zu

 

Kämpfts gegas Unkraut mit’m Spaten

Nascht von den Beeren und Tomaten

Genießt euer kloans Gartenreich

Dem ganz gwiß koa anders gleicht

Denn eurer is der schenste weit und breit

Und des zur jeder Jahreszeit